شباب دوت كوم
 
الرئيسيةالرئيسية  مكتبة الصورمكتبة الصور  س .و .جس .و .ج  التسجيلالتسجيل  دخولدخول  

شاطر | 
 

 نصائح بعد ماتتخطبي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pure angel
المشرفين
المشرفين
avatar

عدد المساهمات : 151
نقاط : 3379
تاريخ التسجيل : 19/07/2009
العمر : 23

مُساهمةموضوع: نصائح بعد ماتتخطبي   الخميس أغسطس 13, 2009 2:50 pm

نقلت التوبيك دة ليكوا بجد لانة ضحكني مش اكتر ولا اقل لان بجد رايي ان الطبيعة احسن في كل شئ خليكي وخليك
ع طبيعتك احسن لان لو في نصيب هتتقبلوا بعض ع وضعكوا لان الكذب والخداع عمرة مانفع ولا بيحي حياة
لان بجد الطبيعة احسن خليكي رقيقة اة بس بطبيعتك مش تعيشي بقة الدور زي التوبيك مابيقول كدة ولا تصطنيعية ياريت
كل واحد يرتبط بحد يخلية ع طبيعتة لان دية هتبقي حياة يعني شركة ابدية لازم كل واحد يعرف التاني وطباعة قبل مايتحكم علية قصدي قبل
مايتزوجوا ويارب اعرف رايكوا اية في التوبيك




لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي هتشوفيها بعد الجواز.. المهم نصائحي لك عند أي عزومة مع ختيبك.....
قلنا رقَّه ....



1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .



2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....



3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......



4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...


5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...




7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..




8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....



9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....




10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه بحجه انك رايحه التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا



مستني رايكو وردوكم على الموضوع
ويارب الموضوع يعجبكم
الرجوع الى أعلى الصفحة اذهب الى الأسفل
nana2009
المشرفين
المشرفين
avatar

عدد المساهمات : 78
نقاط : 3214
تاريخ التسجيل : 19/07/2009
العمر : 26
الموقع : www.memo-elro3b.rigala.net

مُساهمةموضوع: رد: نصائح بعد ماتتخطبي   الجمعة أغسطس 14, 2009 5:11 am

ههههههههههههههههههههه
بجد موضوع جامد جدا ويريت البنات تعمل كده فى الخطوبه وبعد الجواز مش تلاقى البنت بعد الجواز وشها يقطع الخميره من البيت ومش حطا حتى مكياج
الرجوع الى أعلى الصفحة اذهب الى الأسفل
pure angel
المشرفين
المشرفين
avatar

عدد المساهمات : 151
نقاط : 3379
تاريخ التسجيل : 19/07/2009
العمر : 23

مُساهمةموضوع: رد: نصائح بعد ماتتخطبي   الجمعة أغسطس 14, 2009 7:15 am

وده على اساس اننا كننا عايشين في جبلية قرود قبل الخطوبة يعني حرام عليك ياعم انا بس حاطة التوبيك على سبيل الهزار مش اكتر بس والله في بنات والاغلب كمان ذوق وبيتعمملوا كويس مش بس تمثيل
طول عمركو مش قادرين تفهمونا شكلي هزود قسم هنا في المنتدى واحط فيه دروس كيف تفهم وتتعامل مع شخصية الفتيات مع ان مش هلاقي حد يتفاعل اوي لان مفيش بنات في المنتدى غيري بس ممكن يكون ليكو امل شوية في فهم سيكولوجية البنات اذا كنت نطقت الكلمة صح اصلا
الرجوع الى أعلى الصفحة اذهب الى الأسفل
nana2009
المشرفين
المشرفين
avatar

عدد المساهمات : 78
نقاط : 3214
تاريخ التسجيل : 19/07/2009
العمر : 26
الموقع : www.memo-elro3b.rigala.net

مُساهمةموضوع: رد: نصائح بعد ماتتخطبي   الجمعة أغسطس 14, 2009 8:18 am

لا بجد البنت تلقيها ساعه الخطوبه وقبلها مهتميه بنفسها وبعد الخطوبه والجواز وبعد الجواز اعوذ بالله
الرجوع الى أعلى الصفحة اذهب الى الأسفل
pure angel
المشرفين
المشرفين
avatar

عدد المساهمات : 151
نقاط : 3379
تاريخ التسجيل : 19/07/2009
العمر : 23

مُساهمةموضوع: رد: نصائح بعد ماتتخطبي   الجمعة أغسطس 14, 2009 8:24 am

اصل في الخطوبة مش بتبقى في خلقتكو طول اليوم بيبقى مرة مرة فبيكون في تغيير بتحس بيه لكن في البيت لو حطت بقى ميك اب طول اليوم اصلا بشرتها هتبوظ بس شور ده مش معناه انها تهمل في نفسها
ارجع واقولك متحطش البيض كلو في سللة وحدة في بنات كدة وبنات كدة
الرجوع الى أعلى الصفحة اذهب الى الأسفل
ابراهيم الاسد
المشرفين
المشرفين


عدد المساهمات : 62
نقاط : 3223
تاريخ التسجيل : 18/08/2009
العمر : 29

مُساهمةموضوع: رد: نصائح بعد ماتتخطبي   الجمعة أغسطس 28, 2009 5:56 pm

ههههههههههههههههه
طب ليه كده بس...
هنفتح علي بعض الفواتيح ولا ايه...
طب استنوا عليا بقي يابنات..
الرجوع الى أعلى الصفحة اذهب الى الأسفل
آلاء محمود



عدد المساهمات : 13
نقاط : 3035
تاريخ التسجيل : 27/08/2009

مُساهمةموضوع: رد: نصائح بعد ماتتخطبي   الجمعة أغسطس 28, 2009 10:54 pm

طب كويس في بنتين كمان سجلوا اخيرا في المنتدى بدل ماكنت وحدي يعني في جبهة دفاعية اخيرا اتكونت
الرجوع الى أعلى الصفحة اذهب الى الأسفل
pure angel
المشرفين
المشرفين
avatar

عدد المساهمات : 151
نقاط : 3379
تاريخ التسجيل : 19/07/2009
العمر : 23

مُساهمةموضوع: رد: نصائح بعد ماتتخطبي   السبت أغسطس 29, 2009 5:29 am

اخر مرة بقى اسفة جدا انا بردو اللي حاطة المساهمة الاخيرة واتكتبت باسم الاء بالغلط معلش ياجماعة جننتكم
الرجوع الى أعلى الصفحة اذهب الى الأسفل
 
نصائح بعد ماتتخطبي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب اون لاين :: دنيا الترفيه :: اسمع نكت واضحك-
انتقل الى: