ابراهيم الاسد المشرفين
عدد المساهمات : 62 نقاط : 5590 تاريخ التسجيل : 18/08/2009 العمر : 35
| موضوع: اسئله يوميه بايخه................!! الجمعة أغسطس 28, 2009 5:13 pm | |
| ********اسئله بديهيه مالهاش اي لازمه في الدنيا*********
بنتعرض ليها كل يوم من كل الناس خلـونـــا نشــوف أمثلة
*أنت في أوضتك .. على السرير وطافي النور ومتغطي ... يجي أخوك الظريف ويفتح الباب عليك ويقول : ايه ياده انت هتنام ولا ايه؟؟؟
(( أظن ده مش وضع الرقص !!! واضح ان انا هنام))
*******************************************************
*أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــواااااااااااااااا
(( لا لسه ))
************************************************************
* أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه
(( !!! لاء دانا لسه راجع ))
***********************************************************
*أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟ يقولك : انت رايح الشغل يابيه ؟
(( لا العربيه واحشاني ))
*****************************************************************
*مثلا ماسك سماعه التلفون وقاعد تضغط الارقام يجي حد من أهلك ويقولك
: انت هتتكلم في التليفون ؟
(( لا أبتفرج عليه ,, أكيد بتكلم ))
******************************************** *مثلا : ماسك مذكرة أو كتاب وقاعد تحفظ ومتحمس (أول مره بقى) ... جه حد وقالك :هاه قاعد تذاكر ؟
(( تقوم رامي الكتاب و تقوله لااااااااء ))
******************************************************
*ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))
************************************************
*ولا تعالــو شوفو قنواتنا واسئلتهم البديهيه البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟
(( لاء طالبها اخنق على نفسي))
********************************************************
أو مثلا في العيد
المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير ..
(( أكيد يعني مش هيقولهم البقاء لله ))
*************************************************
*,,المذيعه الرخمه : وياترى بقى هتعملوا ايه العيد ده هتقضوه ازاي
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين
(( سبتيله ايه يقوله يارخمه ))
*******************************************************
*والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!
(( يعني اساسي الواد لسه ما طلعلوش عرق الخسه علشان يقول لأ ))
**************************************************************
كفايه كده عليكواااااا اظن انتوا عارفيين الباقي | |
|
marawan elkhateb مدير عام
عدد المساهمات : 86 نقاط : 5581 تاريخ التسجيل : 18/07/2009 العمر : 33 الموقع : maro-elkhateb.yoo7.com
| موضوع: رد: اسئله يوميه بايخه................!! الجمعة أغسطس 28, 2009 6:12 pm | |
| ههههههههههههه
يا اسد يا جامد وانا اقول المنتدى بيضحك ليه | |
|
pure angel المشرفين
عدد المساهمات : 151 نقاط : 5746 تاريخ التسجيل : 19/07/2009 العمر : 30
| موضوع: رد: اسئله يوميه بايخه................!! الجمعة أغسطس 28, 2009 11:19 pm | |
| ايه ياعم الشلل ده الواحد يعمل اشتراك في مستشفى المجانين اسهل ياعم | |
|
ابراهيم الاسد المشرفين
عدد المساهمات : 62 نقاط : 5590 تاريخ التسجيل : 18/08/2009 العمر : 35
| موضوع: رد: اسئله يوميه بايخه................!! الأحد سبتمبر 06, 2009 6:33 pm | |
| متشكر جدا للمرور ياجماعه..
| |
|