أوعى تهيس وتقول ده الريس

أوعى تهيس وتقول ده الريس

وكالعادة تجلس ستوتة مع زوجها حسحس

بلغني أيها الملك حسحس

ذو العقل المفسفس

والمخ المهيس

إن الملك اياه

اجتمع مع ولداه

واحد جميل جمال

ماعندهوش محال

هايورث البلاد

واتمهد له المهاد

والتاني سندباد

أو قول علاء الدين

مالهوش في الحكم لكن

هايورث الملايين

الواد جميل جمال

بدأ الحوار وقال

الواحد فكره تاه

المال وقلبناه

الحكم وكمرناه

الدين وضيعناه

شبابنا وشحورناه

والشعب بتاعنا يغني

يا حلولي واخترناه

رد وقال اخوه

اللي انتوا ما تعرفوه

إن الناس كرهانا

وتاريخنا بيلعنوه

واللي بيهتف لينا

يا إما يا ناس معتوه

يخلي البحر طحينة

والسح ادح امبو

رد وقال باباهم

يا ولادي يا حلوين

أنا نفسي اكون وياهم

ملوخية على ياسمين

وكل ما احاول اصلي

وابطل اسرق فيهم

الاقي المفتي قال لي

سيبك يا كبير وريهم

أنا راح اصلي بدالك

بس انت اكنز لعيالك

ما دام قلبك نضيف

وسيدي احمد نظيف

هاتدخل أحلى جنة

من غير فروض ولا سنة

بس انت بس لاغيني

بأي حاجة في رغيف
.............................
يارب تعجبكم

هههه نايس يامان

اى خدمه يا باشا
بس اوعى تبلغى عنى

الحق ياريـــــــــــــــــــــــــــــــــس..
الحقي ياحكوووووووووووومه..
في واحد هنا بيتكلم فالسياسه.
اسمه مروان مصطفي الخطيب ياباشا..
ايه؟؟
لا والله معرفوش ياباشا..
ده..
ده..
ده كان معايا فالكليه..
يووووووووووووة.
بصراحه ده يبقي صحبي ياباشا..
اخخخخخخخخخخخخخ..
انا اللي جبت ده كله لنفسي..
ادي اللي واخدينه منك ياعم مروان

ههههه
انتوا بجد تحف
يلا أدينى غيرت جو الرسميات بتاع منتدى هندسة أسوان
بصراحة بأه يا جدعان الملك ده غلبان و مش دريان بالدنيا و لا الناس
عبيط يعنى
و كلنا بنوقع فى العبط كتيير و نقول سمعنا وقالولنا و نظلم نفسنا قبل ما نظلم أى حد غلطان أو غلبان

ايه الكلام اللى يودى فى داهيه ده

وى وى وى وى وى

البوكس وصل ياجدعان

الحق اهرب انا

سلااااااااااااااااااام