كرسى الإعتراف

موضوع: كرسى الإعتراف الجمعة أغسطس 28, 2009 6:20 pm

السلام عليكم ورحمة الله وبركاته

أطرح على أعين سيادتكم لعبة "أو شبة لعبه "ليست بالجديده بل إنها منتشره بالكثير والعديد والطائل من المنتديات

والتى يمارسها جمهور غفير من أعضاء المنتديات والتى تستقطب الكثير والكثير من الأعضاء نظرا لطلاوتها وجمال

فكرتها الأساسية.

لن أطيل عليكم أخوتى فهى لعبة "كرسى الإعتراف" والتى سنبدأ بممارستها فى هذا الموضوع والهدف الأساسى منها

كشف الغطاء عن الكثير من الأعضاء وإبراز الشخصيات بمنتدانا وتداول الأفكار والتعامل من منطلق سرعة البديهه

وذكاء السائل والمجيب بالإضافه إلى إضفاء روح المتعه والتشويق للمنتدى ولا سبيل لدينا سوى القليل من الترفيه

المسموح به دون خرقا للقوانين أو مضايقة الآخرين أو الإسفاف

فى الفكرة والتطبيق.

اللعبة لمن لا يعرفها

- يتم إختيار عضو واحد إسبوعيا "وليكن يوم الخميس من كل أسبوع فى الساعة التاسعة مساءا "على أن يتم

الإختيار الضحية "الشخص الذى سيسأل" عن طريق الإقتراع "فى حالة كثرة المشتركين معنا باللعبه" أو بالإختيار

فى حال قلة عدد المشاركين"أو الترشيح من قبل الأعضاء وآخذ الأصوات على أن يتم إعلام الضحية بدوره فى اللعبه

وضرورة متابعته لها".

- من حق كل عضو أن يسأل هذا الشخص خمسة أسئله يوميا "قابلة للزياده والنقصان" ويفضل عدم الإكثار لليوم

الواحد فيوجد أيام أخر وأن يترك المجال للآخرين لإتاحة فرصة السؤال للجميع.

- يتم السؤال فى أى شىء للعضو دون المساس أو التطرق للأمور الشخصيه جدا أو ذكر شخصيات عامه أو أفراد بعينهم وما دون ذلك فمسموح به.

- على الشخص الذى تم إختياره التواجد خلال هذا الأسبوع والدخول للموضوع يوميا والرد على أسئلة الأعضاء وإستفساراتهم"على ألا تتعدى فترة الغياب 36 ساعه "وإلا سيتم إلغاء دوره وينتقل إلى شخص آخر ويحرم الغائب من اللعبه.

- يفضل عدم إرسال مشاركتين متتاليتين إلا للضروره القصوى وذلك حتى لا يتضخم الموضوع دون فائدة

واضحة.

- بعد إختيار العضو "الضحيه" وإبلاغه يرسل بالموضوع ردا ..مشاركه يعنى ..تحتوى على قسم نصه

"والله العظيم لأقول الحق" وذلك حتى لا يتم التلاعب بالإجابات والتذكر دائما بأن الحق لا مفر منه وحتى تصبح اللعبه

صادقه وبعد ذلك يبدأ بالإجابه كما يحلو له.

- يمكن سؤال العضو عن إسمه الشخصى فقط أما أكثر من ذلك فلا وإن أزاد العضو فمنه أما

غير ذلك فهو ممنووووووووع

عاشرا التعامل يكون من منطلق الزماله وروح الدعابه الجميله حتى لا تصبح اللعبه ممله وتؤتى ثمارها والتى أسلفت

ذكرها من معرفة الشخصيات وإضفاء جو من المرح وتكوين أسره واحده نتعامل من خلالها كما ينبغى

ولنبدأ على بركة الله

يلا بقى مين عليه الدوووووووور

ومين هيلعب ويشترك معااناااااااااااا

؟؟؟؟؟؟؟؟؟

اوكي ياباشا وانا معاك ومستعدة أسأل واتسئل بس انتو اختارو

pure angel كتب:: اوكي ياباشا وانا معاك ومستعدة أسأل واتسئل بس انتو اختارو

وادى اول حد معانا لو ماحدش بعت تانى هتكونى معانا فى اول اسبوع

يالا يا جماعه الكل يبعت قبل يوم الخميس

اوبش ياجدعان حد يدخل هنا هترشقوني كدة في اول اسبوع

انا جييييييييييييييييييت

شكلك كده هتلبسها يا معلم
ربنا مع اللى هيقع فيها لأن ناوى عليه بجد

ليه بس ياعم ده المسامح كيمو بردو

ايه ياعم انا ابتديت اندم اني دخلت
انا خااااااااااايف حد يلحقني ويدخل

موافق يامان على المشاركة

وانا موافق بس يوم الجمعه من الساعه 2 الظهر لحد 6-مساء

معلش يا جماعه اتأخرت عليكم فى الأختيار

بس اخترنا عضو من انشط أعضاء المنتدى

ربنا معاه لحد يوم الخميس ان شاء الله

pure angel

يلا اظهرى وبانى

ونبدأ اسئله خفيف خفيف كده

1- الاسم والسن والمكان؟

2 - المؤهل الدراسى(فى سنه كام يعنى)؟

3 - سبب دخولك المنتدى؟

4 - ايه رأيك فى المنتدى؟

5- بتعملى ايه فى الاجازه؟

marawan elkhateb كتب:: ونبدأ اسئله خفيف خفيف كده

1- الاسم والسن والمكان؟

2 - المؤهل الدراسى(فى سنه كام يعنى)؟

3 - سبب دخولك المنتدى؟

4 - ايه رأيك فى المنتدى؟

5- بتعملى ايه فى الاجازه؟

ماشي ياعم حمدلله عالسلامة
نبدأ حل بقى
بسم الله الرحمن الرحيم
والله العظيم هقول الحق

1)الاسم: أريج، والسن:15 سنة و8 شهور وكام يوم كدة عالماشي ده اللي فاكراه على ما أعتقد ، المكان : البيت
2)أنا ان شاء الله داخلة تانية ثانوي ادعولي بقى ثانوية عامة
3)سبب دخولي المنتدى عشان وعدتك انني هظبطو مواضيع وأنا كلمتي واحدة farao

4)المنتدى ظريف جدا بس الاعضاء قلييلين ففي بعض الاحيان تحسسو نايم شوية
5)20 ساعة نت وساعة باكل وساعة بتخانق مع اخواتي وساعتين بنام

بس ايده يا مروان دنت طلعت طيووووب خالص دنا كنت مرعوبة لحسن أقعد عالكرسي affraid

ايه ياجدعان فين الأسئلة scratch

هاي بيور قولي والله العظيم اقول الحق
1) ايه شعورك دلوقتي وانت اعدة ع كرسي الاعتراف؟
2)ايه نوع الافلام الي بتحبي تشوفيها ؟
3)مين افضل ممثل وممثلة ومطرب ومطربة عندك ؟؟؟؟؟
4)ايه احلى يوم في حياتك ؟؟؟؟؟
5)ايه مواصفات فارس احلامك ؟؟وهل لقيتيها فحد قابلتيه؟؟
6) حبيتي كام مرة ؟؟؟ وايه اسم الي انت بتحبيه ؟؟؟؟
7) ايه اكتر امنيه بتتمنيها ؟؟؟؟
Cool

ايه اكتر حاجة بتتمنيها وعارفة انها مستحيل تحصل فيوم من الايام ؟؟؟؟
يللا يا بيور يا حبيبة قلبي جاوبي وبصراحة ومتنسيش تقولي والله العظيم هقول الحق

NADA كتب:: هاي بيور قولي والله العظيم اقول الحق
1) ايه شعورك دلوقتي وانت اعدة ع كرسي الاعتراف؟
2)ايه نوع الافلام الي بتحبي تشوفيها ؟
3)مين افضل ممثل وممثلة ومطرب ومطربة عندك ؟؟؟؟؟
4)ايه احلى يوم في حياتك ؟؟؟؟؟
5)ايه مواصفات فارس احلامك ؟؟وهل لقيتيها فحد قابلتيه؟؟
6) حبيتي كام مرة ؟؟؟ وايه اسم الي انت بتحبيه ؟؟؟؟
7) ايه اكتر امنيه بتتمنيها ؟؟؟؟
ايه اكتر حاجة بتتمنيها وعارفة انها مستحيل تحصل فيوم من الايام ؟؟؟؟
يللا يا بيور يا حبيبة قلبي جاوبي وبصراحة ومتنسيش تقولي والله العظيم هقول الحق

هايات ياقلبي منورة المنتدى ياندوشتي
اهدي ياأممي مالك من أولها كدة داخلة فييا شمال
صللي عالنبي

1)شعوري وانا وقاعدة عالكرسي ممل جدا لأن مفيش اعضاء كتير انا كنت حاسة انني مش هلاحق عالاسئلة بس اتضح ان مفيش حد.
2)من ناحية الافلام لو اجنبي يبقى رعب واكشن لو عربي يبقى كوميدي او دراما
3)ممثل : احمد حلمي وأحمد عز ، ممثلة: منة شلبي ومنى زكي وحنان ترك وأجنبي بعشق ساندرا بولك
مطرب :عبدالحليم حافظ tongue

وتامر عاشور واحيانا تامر حسني
مطربة : فيروز وجنات
4) أحلى يوم في حياتي كان يوم قضيتو مع صحابي وخرجنا تلت خروجات في نفس اليوم أحلى من بعض ولأهم من ده كللو كان في حد مكنتش متوقعة ابدا اننو يبقى موجود بس اتفاجات انو كان معانا فالخروجتين الاخرنيين وطبعا ده احلى ما في الخروجة كلها

5)مواصفات فتى الأحلام كتييييييير أوي بس بما انني عمري مهلاقيي حد متفصل على مزاجي فهكتفي بأهم حاجة فاننو يكون عارف ربنا كوييس ويراعي ربنا فييا ويحترمني ويقدرني والباقي أكيد هيبقى كويس مدام مبني على طاعة ربنا .
بالنسبة انني لقيتو ولا لا فأكيد في ناس كتير لقيتهم كوييسين بس أنا أصلا معتقدش انني ناضجة كفاية انني أختار
6) معتقدش ان حبييت بجد قبل كدة لكن بالنسبة للاعجاب فكتييييييييييير مفيش أسماء

7)اكتر أمنية بتمناها ان يارب يعددي الثانوية العامة على خييييييييير وأدخل كلية صيدلة يارب

Cool

أبعد أمنية مش عارفة والله بس يارب اي حاجة مدام كويسة وخير يااارب تتحقق قولوا امييييين

ايه رأيك في الاجابات flower

رايي بصراحة اني حاسة ان ردودك مش بصراحة لانك مقولتيش والله العظيم هقول الحق زي ماقولتلك يا كميلة انتي بس يللا هنعديها يا نونو ماحنا بردو بينا ماكدونالز وشيبسي ولا نسيتي

طب مفيش صراحة فايه بس ياعم بعدين والله العظيم هقول الحق بتتقال مرة واحدة بس في الأول وانا قلتها في اول اجابة خالص بتاعة اسئلة مروان

1-وصلتى للحلم اللى كنت طول عمرك بتحلمى بيه ولا لسه؟
2-مين اقرب الناس ليكى؟ وليه؟
3-ايه العيب اللى فيكى ونفسك تغيريه لانك حاسه انه مسببلك متاعب كتيره فى حياتك؟
4-ايه اكتر حاجه عملتيها وندمتى عليها؟
5-مين الشخص اللى اذاكى وكان الشخص ابعد واحد عن خيالك انه ممكن يئذيكى؟
6-التسامح بالنسبالك ايه معناه؟وممكن تسامحى لحد امتى؟
7-مين اكتر عضو عاجبك شغله فى المنتدى؟
8- نفسك تعيش في أي محافظة من محافظات مصر ؟؟ واسردى لنا كل المحافظات اللي زرتها علي مدار حياتك ؟؟

ولســــــــــــــــــــه فى تانى

1/هل انتى واضحه دائما؟
2/إيه برجك؟ وإيه صفات برجك ؟؟وهل تؤمنى بقصة الابراج دي؟
3/هل تؤمنى بالحب الذي يكون عن طريق الانترنت؟؟
4/ماذا يعنى لك الانترنت فى حياتك؟
5/اعضاء بيقروا موضوع ولكن مبيحطوش رد ايه بتقوليلهم؟
6/ايه بيعنيلك الهزار؟ هل انتى جد دايما ولا مرحه ؟؟
7/اذا حد إدالك الفرصه إنك تقابلى احد الاعضاء ممكن تختارى مين؟؟وليه؟؟
8/اذا لقيتى الفانوس السحرى وليكى تلات أمنيات هتطلبى إيه وليه؟؟
9/إيه شعورك لما حد بيسأل سؤال ومتعرفهوش؟؟سواء داخل المنتدى أو خارجه؟؟
10/إيه آخر هدية جاتلك؟؟ومن مين؟؟
11/هل تؤيدى الزواج بسن مبكر بالنسبة للفتاة\الشاب؟
12/هل ينقصك شيء من حقوقك الكاملة؟وما هو هذا الشىء؟
13/هل تحبى قصائد نزار قباني؟
14/هل ترى نفسك مثاليه دائما؟
15/ايه بتعنيلك غرفة معتمة ومفيهاش ضوء؟
16/ايه بيعنيلك الغدر من اعز اصحابك؟
17/إزاى بتتخلصى من الفراغ لما بتشعرى بيه ؟؟
18/امتى بتكذبى أوبتضطرى للكذب؟؟
19/ايه الشىء المستحيل من شخص غالى وممكن يرضى؟؟
20/انتى أنانيه؟؟
21/يوم نفسك تكرريه وتعيشيه كمان مره؟؟
22/مين اللي بيقدر يضحكك وانتى بأشد حزنك؟
23/في مرة قعدتي تضحكى على حالك؟ وليه؟؟
24/مصيبة كانت هتحصل ولحقتى الموقف؟؟
25/ايه هي اكتر مرة حسيتى فيها بالنجاح؟؟
26/هل انتى انسانه مرتبطه بالحياة؟
27/من هو الشخص الذي تتمنى رؤيته بعد غياب طويل؟
28/ايه اصعب سؤال حد سألهولك؟؟
29/اغلى حد على قلبك؟
30/ هلى فى بالك سؤال عاوزانى أسألهولك وأنا مسألتهوش؟؟
ولو فيه أسأليه لنفسك وجاوبى عليه؟؟
31/ايه بيعنيلك بكرة؟
32/ازاى بتتقبلى الانتقاد؟
33/إيه اليوم اللى أنتى منتظراه بفارغ الصبر؟؟
34/أذكرى لنا موقف طريف وموقف محرج حصلوا ليكى؟؟
35/قرار أخدتيه وندمتى عليه؟؟

ولــــــــــــــــسه ولســــــــــــــــــــه

جاوبي يللا يا بيور ورينا شطارتك يا جمييييييييييل

انتوا لسه شوفتوا حاجه دول كام سؤال عالماشى كده
لحد ما اجهز الأسئله اللى بجد
مش قولتلكم ربنا معاه اللى هيقع فى ايدى
واديكى وقعتى يا اريج ولا حد سمى عليكى

marawan elkhateb كتب:: 1-وصلتى للحلم اللى كنت طول عمرك بتحلمى بيه ولا لسه؟
2-مين اقرب الناس ليكى؟ وليه؟
3-ايه العيب اللى فيكى ونفسك تغيريه لانك حاسه انه مسببلك متاعب كتيره فى حياتك؟
4-ايه اكتر حاجه عملتيها وندمتى عليها؟
5-مين الشخص اللى اذاكى وكان الشخص ابعد واحد عن خيالك انه ممكن يئذيكى؟
6-التسامح بالنسبالك ايه معناه؟وممكن تسامحى لحد امتى؟
7-مين اكتر عضو عاجبك شغله فى المنتدى؟
8- نفسك تعيش في أي محافظة من محافظات مصر ؟؟ واسردى لنا كل المحافظات اللي زرتها علي مدار حياتك ؟؟

ولســــــــــــــــــــه فى تانى

1) لا لسة
2)همما أكتر اتنين أختي ألاء وهييا هنا في المنتدى وكمان صحبتي الانتيخ وهييا ندى وكمان في المنتدى بالنسبة لليه مش عارفة بس بحس انني مرتاحة اووي لمما بتكلم معاهم وممكن اقولهم اي حاجة
3) حاجتين منتقدتين من كتير لييا العند وودي اوكي انا مقتنعة انها مش حاجة حلوة يعني امما بالنسبة لحاجة منتقدة تانية انني بحب اقعد مع العيال الصغييرين او والعب معاه بس انا بحس ان الحاجة دي حلوة يعني تحس ان لسة فيهم براءة كدة فترتاح وانت قاعد في وسطيهم وبتلعب معاهم

4)مش حاضرني حاجة ندمت عليها بس ساعات كتير بقول حاجة بحسن نية وبتتفهم غلط من اللي قدامي فبندم انني قتها اصلا

5) مفيش حد اذاني في حاجة يعني ممكن اكون فاكراها لغاية دلوقتي لكن في مواقف كتير بتدايقني من حد وبتتنسي عادي

6)مش عارفة معناه ايه بالظبط بس يفترض اننو غفران الغلط للي ارتكبو ممكن اساممح في اي حاجة الا الخيانة ودي مش شرط في الحب يعني ممكن تكون من الاصحاب حد يخونني دي مش ممكن اغفرها

7)nana2009 شغلو حلو جدا لغاية دلوقتي عضو نشيط

Cool

عايزة اعيش في اسكندرية ، مزرتش كتير هووا محافظة قنا وكايرو وبس صحيح الأقصر بقيت محافظة منفصلة عن قنا ودي كمان زرتها

[center][b]1/هل انتى واضحه دائما؟
مش دايما يعني
2/إيه برجك؟ وإيه صفات برجك ؟؟وهل تؤمنى بقصة الابراج دي؟
أنا برجي الجدي وعرفت اننو الجدي من باب الفضول فقط بس لأ مش بؤمن بقصص الأبراج دي خالص مالص كللو تخريف في تخريف

3/هل تؤمنى بالحب الذي يكون عن طريق الانترنت؟؟
لا معتقدش اننو حقيقي
4/ماذا يعنى لك الانترنت فى حياتك؟
النت من أهم الحاجات اللي في حياتي مبقدرش اعيش يوم من غيرو
5/اعضاء بيقروا موضوع ولكن مبيحطوش رد ايه بتقوليلهم؟
ياجماعة انتو كدة بتحبطوا كاتب الموضوع يعني قريتو الموضوع مش قادرين تكتبو رأيكم في كلمتين يعني
6/ايه بيعنيلك الهزار؟ هل انتى جد دايما ولا مرحه ؟؟
لا طبعا مهم جدا الهزار لا مش بعتبر نفسي جادة الا في بعض الأحيان النادرة
7/اذا حد إدالك الفرصه إنك تقابلى احد الاعضاء ممكن تختارى مين؟؟وليه؟؟
ندى لأنها وحشتني جدا وانت طبعا مش عارفة سبب معين
8/اذا لقيتى الفانوس السحرى وليكى تلات أمنيات هتطلبى إيه وليه؟؟
أولا تعدي الثانوية العامة على خير واجيب مجموع عالي جدا وثانيا ادخل كلية صيدلة وثالثا اقدر ابني مسجد كبييير ومستشفى للأطفال تابع لمستشفى 57357 حاجة لله بردو مش كللو لدنيتي
9/إيه شعورك لما حد بيسأل سؤال ومتعرفهوش؟؟سواء داخل المنتدى أو خارجه؟؟
ببقى عايز اجاوب وهفكر مفيش شعور معين
10/إيه آخر هدية جاتلك؟؟ومن مين؟؟
بيرفيوم ومن مدرسة اللغة العربية بتاعتي
11/هل تؤيدى الزواج بسن مبكر بالنسبة للفتاة\الشاب؟
لأمش بؤيدو أبدا لأن معظموا بيبقى ترتيب من الكبار يعني زواج صالونات
12/هل ينقصك شيء من حقوقك الكاملة؟وما هو هذا الشىء؟
لأ معتقد الحمدلله في ديموقراطية
13/هل تحبى قصائد نزار قباني؟
أنا بحب الخواطر مش الشعر ففنادر لمما بقرأ قصائد لنزار وعادة بتكون من أختي الاء
14/هل ترى نفسك مثاليه دائما؟
لأ مش دايما الكمال لله
15/ايه بتعنيلك غرفة معتمة ومفيهاش ضوء؟
سجن
16/ايه بيعنيلك الغدر من اعز اصحابك؟
أوحش حاجة في الدنيا
17/إزاى بتتخلصى من الفراغ لما بتشعرى بيه ؟؟
بالقراءة وكتابة الخواطر والرغي شووووووور
18/امتى بتكذبى أوبتضطرى للكذب؟؟
بص هووا انا مش دايما بكذب أنا بستخدم أسلوب الترقيع في الكلام أكتر ده مش اضطراري ده كتير ( كلنا بنكدب محدش يعلق ) lol!

19/ايه الشىء المستحيل من شخص غالى وممكن يرضى؟؟
مش فاهمة السؤال scratch

20/انتى أنانيه؟؟
معتقدش بس من نحية الكمبيوتر بصراحة اه بكوش عليه
21/يوم نفسك تكرريه وتعيشيه كمان مره؟؟
كانني لسة مجاوبة على سؤال زي ده قبل شوية بس ماعلينا
هووا يوم خرجتو مع صحابي ورحنا تلت اماكن في نفس اليوم هووا كان تاني يوم من عيد الفطر اللي فات بس كان تحفة بالذات ان كان معانا شخص مكنتش متوقعة ابدا انني اشوفو في اليوم ده وتفاجات انهم بيذكروا اسمو وبينضم للقعدة معانا ويومها رجعت 3 الفجر البيت يومها بابا هووا اللي فتحلي الباب بس كوايس والله يعني كنت متوقعة اخد التهزيئة التمام بس كان عادي اوي لمما ليني مبسوطة من الخروجة على فكرة مكنتش انا وصحابي لوحدنا كانت مامت وبابا واحدة فيهم معانا
22/مين اللي بيقدر يضحكك وانتى بأشد حزنك؟
اخواتي بيهوونو عليا كتيير بس مش عارفة اعمل ايه لمما يسافروا عشان الجامعة يلل ربنا يخليلي صحابي
23/في مرة قعدتي تضحكى على حالك؟ وليه؟؟
مرة كنت ماشية وباصة على صحابي وبكلمهم ومندمجة اوي في الكلام ومحشتش بنفسي الا وانا راشقة في عمود كان منظري تحفة وكنت هعيط بس عملت نفسي بضحك عشان الناس الباقيين اللي همما واحد او اتنين بس من العشرات الموجودين اللي شافون مينتبهوش بس ، وكمان في موقف كنت في مدينة الملاهي وفي لعبة هنا بيسموها الجندول معرفش في مصر نفس الاسم ولا لا بس هييا عبارة عن زي قطر اللموت كدة بس المجرى بتاعها في مية بتبهدلك في الطالعة والنازلة المهم انا كنت رراكبة ورا ولمما جات القاطرة تنزل عشان ترشق في المية اللي تحت أنا عملت نفسي فالحة يعني وخبيت راسي في الكرسي وطبعا مع خبطة القطر في النازلة راسي طخخخخخخخخخ في الكرسي اللي قدامي وكنت بعييط بس الميية اللي من اللعبة كانت مغرقاني فعملت نفسي بردو بضحك عشا منظري قدام النا ( برستيج يعني) lol!

24/مصيبة كانت هتحصل ولحقتى الموقف؟؟
مش فاكرة حاليا
25/ايه هي اكتر مرة حسيتى فيها بالنجاح؟؟
ان شاء الله هحس بيه في الثانوية العامة ياااااااااااارب
26/هل انتى انسانه مرتبطه بالحياة؟
أيوة بحب الحياة اوي ساعات الواحد بيحس ساعات اننو مخنوق والدنيا مقفلة في وششوا لكن حلوة الدنيا ولااااازم تتعااش وعشنا قد ايه باقي قد ايه يبقى بس ليه نشغل بالنا
27/من هو الشخص الذي تتمنى رؤيته بعد غياب طويل؟
بنت عممي وبنت عمتي دول اقررب اتنين لييا من العيلة في مصر
28/ايه اصعب سؤال حد سألهولك؟؟
في الحياة لسة مجاش يعني صعب اوي بس بتحصل كتيييييير في الامتحان مش عارفة الواحد بيكون مزاكر كتاب تاني غير المنهج ولا ايه ياجدعااااان
29/اغلى حد على قلبك؟
كتييير ميتعدوش
30/ هلى فى بالك سؤال عاوزانى أسألهولك وأنا مسألتهوش؟؟
ياعم ارحم نفسك ده انتقام مش أسئلة الرحمة حلوة
ولو فيه أسأليه لنفسك وجاوبى عليه؟؟
ارحمو من في الأرض يرحمكم في السماء ياعم قلت مفيش أسئلة
31/ايه بيعنيلك بكرة؟
بكرة بيعنيلي اول يوم ماما وبابا هيروحوا الشغل عشان الأجازة خلصت وهصحى مخصوووص بدري مع انني مش بصحى عمري في الوقت ده بس عشان اغييييظ في بابا Twisted Evil

32/ازاى بتتقبلى الانتقاد؟
لو من ناس قرييبين بتقبلوا لكن لو من أشخاص مش مقربين بحس اننو حكم خاطئ لانهم ميعرفونيش كويس عشان يحكموا علييا وكمان ينتقدوني
33/إيه اليوم اللى أنتى منتظراه بفارغ الصبر؟؟
أخر يوم في امتحانات ثالتة ثانوي يعني كمان سنتين كدة
34/أذكرى لنا موقف طريف وموقف محرج حصلوا ليكى؟؟
موقف طريف يمكن موقف انني رشأقت في العمود ده صحابي ذلليني بيه لغاية دلوقتي
موقف محرج :حصل كدة لمما كنت صغيرة بتاع تانية ابتدائي كدة كنت اصلا طفلة عدائية بحب المشاكل جدااااا زي عينيا بس بقعد اتخانق مع العيال بسس الأهالي كانو بيعاملوني حلو حفاظا على أرواح عيالهم المهم الموقف انا قاعدة عالسلم كالعادة منتظرة خناقة جديدة اطلع فيها الطاقة المكبوتة ولا ابن الجيران بتاع اكبر منني بخمس ست سنين كدة نازل الواد في اماان الله بيقولي ازيك يااريج وانا طبعا عشان شك للبيع افتكرتو بيقول ازيك ياحمارة lol!

فرحت قلتلو انت اللي حمار
بس ولغاية دلوقتي كل ميشوف خلقتي يقوللي انت اللي حمار
35/قرار أخدتيه وندمتى عليه؟؟
عادة باخد القرارات بتأنني فالحمدلله مش فاكرة ان في قرار قررتو وندمت عليه يمكن حصل بس مش حاضرني الموقف دلوقتي

ولــــــــــــــــسه ولســــــــــــــــــــه
[/b] اهدى يابا شوية سيب لغيرك مجال ياعم

ازيك يا قريش أخبارك ايه
لما العجل يقع بتكتر سكاكينو
ليه يا أريج مبتخليش حد يقعد على الكمبيوتر
بطلي أنانية