كرسى الإعتراف

موضوع: كرسى الإعتراف الجمعة أغسطس 28, 2009 6:20 pm

تذكير بمساهمة فاتح الموضوع :

السلام عليكم ورحمة الله وبركاته

أطرح على أعين سيادتكم لعبة "أو شبة لعبه "ليست بالجديده بل إنها منتشره بالكثير والعديد والطائل من المنتديات

والتى يمارسها جمهور غفير من أعضاء المنتديات والتى تستقطب الكثير والكثير من الأعضاء نظرا لطلاوتها وجمال

فكرتها الأساسية.

لن أطيل عليكم أخوتى فهى لعبة "كرسى الإعتراف" والتى سنبدأ بممارستها فى هذا الموضوع والهدف الأساسى منها

كشف الغطاء عن الكثير من الأعضاء وإبراز الشخصيات بمنتدانا وتداول الأفكار والتعامل من منطلق سرعة البديهه

وذكاء السائل والمجيب بالإضافه إلى إضفاء روح المتعه والتشويق للمنتدى ولا سبيل لدينا سوى القليل من الترفيه

المسموح به دون خرقا للقوانين أو مضايقة الآخرين أو الإسفاف

فى الفكرة والتطبيق.

اللعبة لمن لا يعرفها

- يتم إختيار عضو واحد إسبوعيا "وليكن يوم الخميس من كل أسبوع فى الساعة التاسعة مساءا "على أن يتم

الإختيار الضحية "الشخص الذى سيسأل" عن طريق الإقتراع "فى حالة كثرة المشتركين معنا باللعبه" أو بالإختيار

فى حال قلة عدد المشاركين"أو الترشيح من قبل الأعضاء وآخذ الأصوات على أن يتم إعلام الضحية بدوره فى اللعبه

وضرورة متابعته لها".

- من حق كل عضو أن يسأل هذا الشخص خمسة أسئله يوميا "قابلة للزياده والنقصان" ويفضل عدم الإكثار لليوم

الواحد فيوجد أيام أخر وأن يترك المجال للآخرين لإتاحة فرصة السؤال للجميع.

- يتم السؤال فى أى شىء للعضو دون المساس أو التطرق للأمور الشخصيه جدا أو ذكر شخصيات عامه أو أفراد بعينهم وما دون ذلك فمسموح به.

- على الشخص الذى تم إختياره التواجد خلال هذا الأسبوع والدخول للموضوع يوميا والرد على أسئلة الأعضاء وإستفساراتهم"على ألا تتعدى فترة الغياب 36 ساعه "وإلا سيتم إلغاء دوره وينتقل إلى شخص آخر ويحرم الغائب من اللعبه.

- يفضل عدم إرسال مشاركتين متتاليتين إلا للضروره القصوى وذلك حتى لا يتضخم الموضوع دون فائدة

واضحة.

- بعد إختيار العضو "الضحيه" وإبلاغه يرسل بالموضوع ردا ..مشاركه يعنى ..تحتوى على قسم نصه

"والله العظيم لأقول الحق" وذلك حتى لا يتم التلاعب بالإجابات والتذكر دائما بأن الحق لا مفر منه وحتى تصبح اللعبه

صادقه وبعد ذلك يبدأ بالإجابه كما يحلو له.

- يمكن سؤال العضو عن إسمه الشخصى فقط أما أكثر من ذلك فلا وإن أزاد العضو فمنه أما

غير ذلك فهو ممنووووووووع

عاشرا التعامل يكون من منطلق الزماله وروح الدعابه الجميله حتى لا تصبح اللعبه ممله وتؤتى ثمارها والتى أسلفت

ذكرها من معرفة الشخصيات وإضفاء جو من المرح وتكوين أسره واحده نتعامل من خلالها كما ينبغى

ولنبدأ على بركة الله

يلا بقى مين عليه الدوووووووور

ومين هيلعب ويشترك معااناااااااااااا

؟؟؟؟؟؟؟؟؟

ايده خوليو هنا منورة ياخوليو
ماشي يابوبي عجل طايب
والله الدليل على خطأ ما قلتي انك كاتبة السؤال ده يعني انتي كنتي قاعدة على الكمبيوتر وبطلي بوبينة ( تبقي بوبي) واسئلي أسئلة عدلة ايا كانت بس لمما تتهمي اتهمي صح ياخوليو سلاموز بقى لازم أترك المجال لاخواتي حبايبي يقعدوا على الكمبيوتر

ايوه كده يا بشمهندسه الاء عايزك تطحنيها معايا
وفين ندى بطلت تسأل ليه وفين ميدو ونانا روحتوا فين
كلوا يدخل يسأل ده خلاص باقى 5 أيام بس لازم نعمل معاها الواجب

1- هل بتحبى القراءة ؟ و لو بتقرى بتقرى فى إيه و لمين و نفس الحال بالنسبة للشعر ؟

2- إيه أكتر حاجة ضايقتك السنة دى ؟ و أكتر حاجة فرحتك ؟

3- هل إنتى شخصية هادية - عصبية - مستفزة - طموحة-مجتهدة-مرحة-خنيقة-غير مبالية بما يحدث حولها -قوية-قيادية-محبوبة-إنطوائية ؟

يجوز الاختيار المتعدد و ابداء الرأى فى باقى الصفات

4- هل إنت راضيه عن نفسك و ما حققتى فى حياتك حتى الآن ؟

5- ما هى طموحاتك المستقبلية ؟

6- ما هى عيوب شخصيتك و كذلك مميزاتها من وجهة نظرك ؟

7- ماذا يعنى المنتدى ليك ؟

8- ايه أكتر أقسام فى المنتدى بتدخلها ؟

ولســــــــــــــــــــــــــــــــه الباقيه اُتيه

1-أكتر موقف ضحكك؟
2-المكان اللى لما بتكونى مضايقه بتروحيه؟؟
3-أعز أصدقائك؟؟؟
4-المغنى المفضل؟؟
5-أكتبيلى شايفه نفسك أزاى؟؟؟
6-إيه هواياتك؟؟ وهل ما زلتى تمارسها؟؟؟
7-أحكيلنا يومك الدراسى بيبقى عامل إزاى؟؟؟ويومك فى الاجازه بيبقى إزاى؟؟؟
8-بتحبى إيه فى المأكولات ؟؟ والمشروبات؟؟؟
9-ما معنى كلمة الحياه بالنسبالك؟؟؟
10-هل أنتى مثقفه ؟؟ وإيه مصدر ثقافتك؟؟؟
11-إيه الصفه اللى بتميزك؟؟
12-ايه الاسامي اللي بتحبى الناس تناديكى بيها ؟, وليه؟؟
13-ايه اللي يلفت نظرك في أي ولد , وايه هو اللي ممكن يخليكى تعجبى بيه !!!
14-أول مابتدخلى عالمنتدي ,,, ايه اللي بتعمليه ,,, وليه؟؟
وايه اللي بيلفت نظرك في المنتدي !!!! وايه الحاجه اللي بتخليك تتضايقى من المنتدي
وايه هيا الحاجه اللي بتفرحك فيه ,,,!!!
15/يعنى إيه مرأه ويعنى إيه رجل بالنسبالك؟؟
16/هل بتؤيدى عمل المرأه عموما؟؟
20/نفسك تبقى أم مين؟؟

وكفايه كده عليكى الدنيا صيام
ردى عليهم عقبال ما اجهزلك شويه كمان

وقعتى ولا حدش سمى عليكى

يا عيني عليكي يا بيور والله صعبانة عليا يللا معلش ربنا بياخد حقي منك (فاهمة انت طبعا )

حرام عليك يا مروان كل دي اسئلة ارحم البت شوية وبعدين انت سالتها كل الاسئلة معنتش لاقية اسئلة اسألهالها

1-
هل بتحبى القراءة ؟ و لو بتقرى بتقرى فى إيه و لمين و نفس الحال بالنسبة للشعر ؟
جدااا،اي حاجة بحب أقرءها بالذات الروايات لشكسبير مع انفي حاجات مش بفهمها اوي من أول قراءة فبشوفها في كزة موقع عالنت وبتتفهم في الاخر ونجيب محفوظدول اللي لمما اقرا روايات بدور عل اسمهم لكن غير كدة قريت كتابات كتييير لكاتبين تانيين بس مش حاضراني اسماءهم سواء عرب او اجانب وبالنسبة للشعر فانا بفضل الخواطر أكتر وبحب أقرأ لمدحت علام

2- إيه أكتر حاجة ضايقتك السنة دى ؟ و أكتر حاجة فرحتك ؟
اكتر حاجة ضايقتني انني في اول يوم فيكي يامدرسة وانا كنت في اولى ثانوي يعني مدرسة جديدة وكنت اصلا خايفة خلقة ولا ابلة الرياضيات حصل موقف انا مش مقتنعة الى الان انني غلطانة فيه طردتني من الفصل تقدر تقول انها اصلا صغيرة اوي وكانت عايزة تثبت شخصيتها من اول يوم عشاتن ميبهدلوهاش الطالبات فاجت فييا

3- هل إنتى شخصية هادية - عصبية - مستفزة - طموحة-مجتهدة-مرحة-خنيقة-غير مبالية بما يحدث حولها -قوية-قيادية-محبوبة-إنطوائية ؟
هادية: معتقدش
عصبية : ساعات بس الحاجة الوحشة انني بكبت وبكبت وفجأة بنفجر اللي قدامي
مستففزة : ساعات بمزاجي
طموحة :أكيد
مجتهدة :أعتقد
مرحة : أعتقد
خنيقة : لأ
غير مبالية بما يحدث حولك : اكيييييييد جدا بحب التطنيش أوي وأوجع دماغي ليييييه
قوية :اها
قيادية:كتير بيحطوني قائدة في المدرسة بس بين صحابي بحب ابقى زيي زيهم عادي
محبوبة : الحمدلله أعتقد كدة
إنطوائية لأ خاالص دنا بحب الناس واجتماعية جدااا بس في بعض الحالات لمما بكون مدايقة شوية بحب أقعد مع نفسي

يجوز الاختيار المتعدد و ابداء الرأى فى باقى الصفات

4- هل إنت راضيه عن نفسك و ما حققتى فى حياتك حتى الآن ؟
اه مع انني لسة محققتش حاجة مهمة

5- ما هى طموحاتك المستقبلية ؟
ادخل كلية صيدلة

6- ما هى عيوب شخصيتك و كذلك مميزاتها من وجهة نظرك ؟
عيوبي العند وشويية من اللا مبالاة المنتقدة ومميزاتي اعتقد مش انا اللي اقدر احددها لو حد لاقي عيوب تانية ياريت يقوللي عشان احاولل اغير منها

7- ماذا يعنى المنتدى ليك ؟
مكان لتعلم ووالتسلية على ما أعتقد هووا ممكن يكون حاجة تانية صحيح وكمان بتعلم ازاي اتعامل مع الناس من بيئات ومجتمعات مختلفة بردو شوية يعني

8- ايه أكتر أقسام فى المنتدى بتدخلها ؟
العب واتسلى والنكت والشعر

ولســــــــــــــــــــــــــــــــه الباقيه اُتيه

[/]

[quote="pure angel"][center][b]1-

[color=violet]اكتر حاجة ضايقتني انني في اول يوم فيكي يامدرسة وانا كنت في اولى ثانوي يعني مدرسة جديدة وكنت اصلا خايفة خلقة ولا ابلة الرياضيات حصل موقف انا مش مقتنعة الى الان انني غلطانة فيه طردتني من الفصل تقدر تقول انها اصلا صغيرة اوي وكانت عايزة تثبت شخصيتها من اول يوم عشاتن ميبهدلوهاش الطالبات فاجت فييا

هي ابلة الرياضيات دي اللي مطلعة عينك تخيلي لو درستلك السنة الجاية هتبقى احلى ثانوية عامة في التاريخ هههههههههههههه وياسلام بقى لو طلعنا فنفس الفصل وهي بيتدرسلنا احنا الاتنين هنظبطها اخر حاجة

[/b]

1-أكتر موقف ضحكك؟
مش فاكرة بس تقريبا بتاع الللي رشقت فيه فالعمود
2-المكان اللى لما بتكونى مضايقه بتروحيه؟؟
سريري ولو ممكن اخرج في الوقت ده يبقى البحر
3-أعز أصدقائك؟؟؟
ندى ورود والاء ودينا وواسراء ورويدا والباقي متساويين
4-المغنى المفضل؟؟
عبدالحليم حاليا بس انا عموما مش بثبت على حد كل فترة بحب حد تاني وبسمعلو
5-أكتبيلى شايفه نفسك أزاى؟؟؟
اعتقد ان ده مش انا المفروض اللي اجاوب عليه
6-إيه هواياتك؟؟ وهل ما زلتى تمارسها؟؟؟
القراءة وكتابة الخواطر ياجدعان ايوة لسة بمارسها متكرروش السؤال ده تاني

7-أحكيلنا يومك الدراسى بيبقى عامل إزاى؟؟؟ويومك فى الاجازه بيبقى إزاى؟؟؟
بصحى الصبح بدري في الدراسة بتوضى واغسل سناني والبس بدين بفطر واستنى باص المدرسة برجع بصللي اذا مجنتش صليت الظهر في المدرسة وبعمل سلطة على ما ماما تعمل الغدا وناكل واحل الواجبات على ما اهضم وبعدين اناملي ساعتين كدة واصحى اذاكر وبعدين اتفرج عالتلفزيون وشوية نت واتعششى وانااااااااااام و الاجازة بصحى عالعصر وشور بردو نت والنظام ده تلفزيون وممكن خروج
8-بتحبى إيه فى المأكولات ؟؟ والمشروبات؟؟؟
المأكولات البيتزا المكرونة باشاميل واكيد اي حاجة مقلية بعشقها بالذات البطاطس
مشروبات بحب عصير الجوافة والموز بالحليب ولمما بكون في مصر عصير القصب

9-ما معنى كلمة الحياه بالنسبالك؟؟؟
حاجة لازم تتعاش
10-هل أنتى مثقفه ؟؟ وإيه مصدر ثقافتك؟؟؟
اعتقد مثقفة ، مصادري النت بص ساعات المدرسة بس معلومات المدرسة انت مش بتكون طايقها اصلا فعمرهاا مهتثبت
11-إيه الصفه اللى بتميزك؟؟
بعرف ارد على الللي قدامي يعني محدش يقدر يكلمني حاجة واتصدم وابقى واكلة سد الحنك الا قليل يعني بعرف اتصرف
12-ايه الاسامي اللي بتحبى الناس تناديكى بيها ؟, وليه؟؟
اروجة وروج من ماما بابا بيقوللي لوزتة مش فاهمة من ايه ده واخواتي بيقولو يابيبي وعممي بيقوللي ياريري وفي وحدة صحبة ماما بتقوللي فروج مشوي والنيو لوك لاسمي الجديد من اختراع الاء قريش عاجبني قريس ده
13-ايه اللي يلفت نظرك في أي ولد , وايه هو اللي ممكن يخليكى تعجبى بيه !!!
الغموض والتقل ياربنا اكتر حاجتين بيخنقوني فيه وبيعجبوني جدا فيه متعرفش ازاي
14-أول مابتدخلى عالمنتدي ,,, ايه اللي بتعمليه ,,, وليه؟؟
بشوف مين موجود من الاعضاء معرفش ليه
وايه اللي بيلفت نظرك في المنتدي !!!! وايه الحاجه اللي بتخليك تتضايقى من المنتدي
بتضايق لمما الاقيه نايم
وايه هيا الحاجه اللي بتفرحك فيه ,,,!!!
لمما بيبقى فيه ناس كتير
15/يعنى إيه مرأه ويعنى إيه رجل بالنسبالك؟؟
كائنات حية
16/هل بتؤيدى عمل المرأه عموما؟؟
ايون اكيد بأيدو
20/نفسك تبقى أم مين؟؟
ام ملك وام جنا الولد اسيب تسميتو لباباه

وكفايه كده عليكى الدنيا صيام
لا والله كتر خيرك لسة فاكر ان الدنيا صيام
ردى عليهم عقبال ما اجهزلك شويه كمان
متخافش جاهزة اهو

[/quote]

[quote="NADA"]

pure angel كتب:: [center][b]1-

هي ابلة الرياضيات دي اللي مطلعة عينك تخيلي لو درستلك السنة الجاية هتبقى احلى ثانوية عامة في التاريخ هههههههههههههه وياسلام بقى لو طلعنا فنفس الفصل وهي بيتدرسلنا احنا الاتنين هنظبطها اخر حاجة

[color=violet]تخييلي دنا هخنقها من اول يوم كدة هبهدلها مقالب العمر واحد بقى انا مش متعودة ابلة تخنقني واسيبها كدة فين ايام اعدادي كنت بجنن الابلات بس المشكلة دلوقتي الدرجات والمستقبل في ايديهم
على فكرة انا قلت لماما تشوفني انا وانت حاطينا في اي صف وتخللي صحبتها تخلينا في نفس الصف ان شاء الله يعني ان شاء الله مع بعض ياندوشتي بدل مكننا مشردين السنة اللي فاتت كل واحدة في مبنى

أهلا بيك يا أروجة السوسة
-ليه لما يكون ليك طلب عند بابا بتفضلي تقولي حودا حبيبي أنا طفلتك الرائعة فلذت كبدك آخر العنقود سكر معقود
ولما تخلصي من طلبك مبتبقيش ولا حاجة من الحجات دي؟
-ليه عايشة دور الأميرة الجميلة ومبتغسليش المواعين ولاتساعدينا في البيت إلا إذا كنت لابسة جونتي أوتكوني منمرة على طلعة
-ليه مبترضيش بالهدوم اللي بابا بيجيبهالك وتلوي بوزك وتعملي زعلانة رغم انها بتكون عجباكي بالذات آخر الطقم
-خلاص شوية جد أنت عارفة أنت طفلتي الرائعة وأنابحبك
هل انت بتحبيني بعد كل اللي عملتو فيك

قريش انت ليه بتناديني خليو
ايه سر حبك للون الأسود في اللبس
ليه كل مايبقى عندي صحاب اصاحبك عليهم يحبوك اكتر مني

ليه مش راضية تعلميني اصول الترقيع في الكلام

أهلا بيك يا أروجة السوسة
هلا والله بخوليو
-ليه لما يكون ليك طلب عند بابا بتفضلي تقولي حودا حبيبي أنا طفلتك الرائعة فلذت كبدك آخر العنقود سكر معقود ولما تخلصي من طلبك مبتبقيش ولا حاجة من الحجات دي؟

عشان الواحد لمما يبقى ليه طلب لازم يطلبو بأدب وبطريقة المسايسة وبابا بيحب اللي يتكلم معاه كلاه حلو فلازم ادلعو عشان طلبي يمشي افهمي بقى ياخليو

-ليه عايشة دور الأميرة الجميلة ومبتغسليش المواعين ولاتساعدينا في البيت إلا إذا كنت لابسة جونتي أوتكوني منمرة على طلعة
بالنسبة للمواعين عشان أظافري متخربش وتتكسر صحيح أنا مش بطولها بس المية بتخليه الظوافر عموما تبقى رقيقة اوي مش قوية فمش بيبقى شكلها حلو بس محدش يلام على اننو بيهتم بنفسو اما من نحية شغل البيت والله لسة مظبطة قبل شوية مع ماما
-ليه مبترضيش بالهدوم اللي بابا بيجيبهالك وتلوي بوزك وتعملي زعلانة رغم انها بتكون عجباكي بالذات آخر الطقم
عموما الواحد لمما بيكون في السوق بيشوف اللبس عالماليكان مش بيلفت نظرو لكن لمما بلبسو بيعجبني لان شوووور القالب غالب lol!

-خلاص شوية جد أنت عارفة أنت طفلتي الرائعة وأنابحبك
هل انت بتحبيني بعد كل اللي عملتو فيك
لا خلاص كرهتك
بجد ياخوليو انتي حبيبة قلبي وكفاية بقى هيحسدونا lol!

بس اتلممي شوية شكلي مش هاخدك معايا لمما أخرج :tongue:

قريش انت ليه بتناديني خليو
بصي هووا انا في مرة كنت متغاظة منك فبدل ما قولك ياالاء كنت بناديلك ياخلاء فبعدين اتصالحنا فحببيت ادلعك فدلع خلاء اييييييه؟ خوليو بس ياستتي
ايه سر حبك للون الأسود في اللبس
هوا ملك الألوان وتحسسي اننو بيددي وقار كدة وكمان مش ملفت مش يبقى رغيي وكمان لبسي يعني
ليه كل مايبقى عندي صحاب اصاحبك عليهم يحبوك اكتر مني
مش حكاية بيحبوني أكتر يمكن بيقولولك كدة عشان يغيظوك او مجاملة لييا لك في حاجة سوري في الكلمة بس ساعات بتبقي دبش في الكلام يمكن انا اقل منك في الحتة دي بس انتي عسل بردو ياخوليو طبعا وكللو بيحبك ياقمر( متتغريش اوي ها واجي اكلمك مترديش)

ليه مش راضية تعلميني اصول الترقيع في الكلام

هههههههههه دي مش حاجة معلمة يعني انتي متبقيش خايفة من رد فعل اللي قدامك وابقي هادية بحيث لمما يقول او يسال حاجة يبقى ذهنك صافي بحيث تقدري تتكلمي بشكل طبيعي من غير متكذبي حرفيا معنا الكلمة بس تدخلي كام كلمة كدة ترقعي بيهم الكلام

ودي ياأطفالي ياحيلوين كانت حكاية قريش وخوليو وتصبو على خيير

في انتظار المزيد من الأسئلة

ده ايه الاخوة دي كلها دانتم جرستو بعض يا حبايبي ربنا يحميكم

اقتباس :

ليه كل مايبقى عندي صحاب اصاحبك عليهم يحبوك اكتر مني

يا باشا انت اللى فى الحته اليمين حد يقدر يحب ريرى اكتر منك
وبعدين اصحابك اتعاملوا معاكى كتير لكن ريرى مش قوى
يعنى انتى المضمون بس اوعى تزعلى منى يا اروج

لا يا مارو مشش هزعل طبعا وانا بقولها أكيد انتي صحبتهم وانتي الاصل انا بس من قريب اللي يعرفوني وده حقيقي مش زعلانة طبعا على فكرة الصورة اللي انت حاططها جامدة
فين ياعم الأسئلة الكتير وحكاية انا مش شايفة أسئلة يعني

حالا اهدى عليا بس شويه علشان اظبطهملك

ههههههه طايب ياعماديني مستنية

1- حاسه ايه ناقص فى حياتك ؟
2- انتى صبورة وعندك طولة بال ولا بتزهقى بسرعة ؟
3-ماما مش بتحب فيكى ايه ؟
4-سبب إختيارك للنيك نيم بتاعك؟؟والصوره الرمزيه كمان؟؟
5-حاسة نفسك زكيه وبتحبي تفهمي كل حاجة ولا بتقصري وتحفظي احسن؟؟؟؟؟
6-ايه رايك في المثل (داري علي شمعتك تقيد)؟؟؟؟؟
7-عندك كام اخ وايه اساميهم وسنهم؟؟؟
8-مين اقرب ليكي فيهم؟؟؟
9-ايه الشيء اللي بينرفزك وانتي ماشية في الشارع؟؟؟؟؟
10-مين اكتر استاذ كنتي بتحبيه وكذلك اكتر استاذ كنتي بتكرهيه؟؟؟؟
11-ايه رايك في الحب وايه بيمثل بالنسبالك؟؟؟
12-ايه مواصفات فارس احلامك؟؟؟
13-عايزة تشتغلي ولا لا؟؟؟؟
14- ايه أكتر حاجه بتخافي منها , ولو حصلتلك ... هتعملي أييييييييييييه ؟؟
15-) ياتري عامله ايييييه في الطبيخ , يعني بتعرفي تتطبخي كويس ولا لأ , وايه هيا

- حاجه بتحبي تاكليها بس مابتحبش تتطبيخها لأنها صعبه

- حاجه بتحبي تاكليها وشاطره في عملها

- أيه هيا أكتر أكله بتتحرق منك أو تبوظ لما بتحاولي تتطبخيها

- أكتر أكله محدش بيعرف يعمله ازيك
16-) أوصفيلنا نفسك (طباعك , أخلاقياتك ... أتكلمي عن نفسك من الأخر ) , فيما لا يقل عن سطرين ؟؟؟
17) بتحفظي قرأن , ووصلتي لغاية فين في الحفظ , ومين من المشايخ بتحبي تسمعيله وليه ؟؟
18-لو قولتلك أنتى مدمنه .... يبقى أنت مدمنه إيييه؟؟؟
19-حد بتسمعى كلامه وتقوليله حاضر وأنتى ساكته؟؟؟وليه بتسمعى كلامه؟؟؟
20/بتعرفى تطنشى حد؟؟؟أو متعبرهوش مثلا؟؟؟
21/إمتى بتشعرى بمشاعر الغيره؟؟؟وإمتى بتشعرى بمشاعر الإعجاب؟؟؟
22/كدبتى على مين وندمتى للكدبه دى؟؟؟وإمتى بتستعملى الكدب؟؟
23/تقدرى تقولى الحق حتى ولو كان ثقيل أو على الملأ؟؟؟
24/هيا الحياه حلوه؟؟وليه؟؟
25/طفولتك..إتكلمى عنها شويتين تلاته وهل تحبى إنها ترجع وليه؟؟؟
26/هل تقدرى تاخدى قرار لوحدك أو عندك مقدره للحكم على أشياء أمامك؟؟
27/حلم بيراودك دايما؟؟؟وكابوس بيراودك دايما؟؟؟
28/تحبى اللى يذكرلك محاسنك ولا اللى يذكرلك عيوبك؟؟
29/إيه الحاجه اللى بتبقى ملازماكى دايما فى شنطتك مثلا؟؟
30/إيه هيا لزمتك فى الكلام واللى دايما بتكرريها؟؟؟
31/إيه هيا نقطاط ضعفك ؟؟ وهل بتحاولى تعالجيها ولا لأ؟؟؟
32/إيه هيا بواطن قوتك؟؟؟ وهل بتحاولى تنميها ولا لأ؟؟؟
33/دموعك ممكن تنزل إمتى؟؟وهل ممكن يشوفها حد؟؟
34/بتعملى إيه فى وقت فراغك؟؟؟
35/امتى بتشعرى باليأس وتلعنى الظروف؟؟؟
36/لو إديتك تذكره طياره ممكن تروحى فين بيها؟؟وإيه وسيلة المواصلات اللى بتحبيها؟؟
37/بتحبى ماما ولا بابا أكتر؟؟"واحد بس"
38/إيه الحاجه اللى عملتيها وبتفتخرى بيها؟؟؟

ربنا معاكى بقى وابقى اكمل بكره إن شاء الله

1- حاسه ايه ناقص فى حياتك ؟
أخت أصغر منني
2- انتى صبورة وعندك طولة بال ولا بتزهقى بسرعة ؟
ساعات وساعات على حسب الحاجة لو بحبها اكييد طلة بال لو مليش نفس ليها بزهق بسرعة
3-ماما مش بتحب فيكى ايه ؟
أنني مدمنة قعدة عالنت
4-سبب إختيارك للنيك نيم بتاعك؟؟والصوره الرمزيه كمان؟؟
انني بنت عمتي وبنت عممي بيقولولي دايما اكتر حاجة مش بنحبها فيكي انك بتتسامحي مع ناس مش بيستاهلو يعني يكون حد مديكي المقلب التمام ولو جه بكرة يسلم عليكي بتردي وبتتكلمي عادي مش بتشيلي في قلبك حاجة من نحيتو فقالي بنحسك بيور اوي من جوة وبعدين بنات صحابي في الفصل كانو وحدة مسمية نفسها دارك انجل وواحد مش عارفة حاجة كدة بردو انجل وطلعو علييا اسم بيور انجل بس
بالنسبة للصورة عشان كاتبة فيها الاسم يعني
5-حاسة نفسك زكيه وبتحبي تفهمي كل حاجة ولا بتقصري وتحفظي احسن؟؟؟؟؟
لا مبعرفش احفظ وبس المعلومة مش بتثبت اللا لو فهمتها
6-ايه رايك في المثل (داري علي شمعتك تقيد)؟؟؟؟؟
صحيح مية في المية ماهو الواحد لو سييح على كل حاجة مش هتمشيلو اي حاجة ومششي حالك حالك يمشي
7-عندك كام اخ وايه اساميهم وسنهم؟؟؟
اختي الكبيرة زهراء وعندها ان شاء الله هتكمل 22 في شهر 11
والاء كملت 20 وعبدالرحمن هيكمل 19 ان شاء اللله في شهر 10
وانا اخر العنقود سكر معقود هكمل شهر واحد 16
8-مين اقرب ليكي فيهم؟؟؟
الاء
9-ايه الشيء اللي بينرفزك وانتي ماشية في الشارع؟؟؟؟؟
الشارع
10-مين اكتر استاذ كنتي بتحبيه وكذلك اكتر استاذ كنتي بتكرهيه؟؟؟؟
الحقيقة السنادي كل الابلات كنت بحبهم الا ابلة الرياضيات كانت خنقاني واابلة الفيزيا ساعات وساعات
11-ايه رايك في الحب وايه بيمثل بالنسبالك؟؟؟
متنفعش الحياة من غيرو بس بالنسبالي معتقدش بردو انني ناضجة كفاية انني احب بجد وكدة
12-ايه مواصفات فارس احلامك؟؟؟
فاااارس احلااااامى

عايزاه ابيضانى شعره اصفر وعينيه خضرا لا طويل ولا رفيع لاتخين ولا قصير واحد كده ما فيش منه واللى شايف فنفسه الصفات دى ياريت يراسلنى بس ماينساش يجى بالللامبرجيني الحمرا

فارس احلام ايه بس الواحده مننا تبقى حاطه لسته بمواصفات فارس احلامها وساعه القدر يعمى البصر

انا مش ححط شروط وبعد كده اتنازل عنها

بس الشرط اللى اكيد مش هاتنازل عنه انه يبقى عارف ربنا بجد ويراعيه فيا

13-عايزة تشتغلي ولا لا؟؟؟؟
عايزة اشتغل طبعا عشان يبققى لييا وضعي في المجتمع
14) أكتر حاجه بتخافي منها , ولو حصلتلك ... هتعملي أييييييييييييه ؟؟
اكتر حاجه بخاف منها الفشل ولو حصلتلى-ده بعد الشر طبعا- هاستعيذ بالله وابتدى من جديد لانى ما بفقدش الامل بسرعه

15-) ياتري عامله ايييييه في الطبيخ , يعني بتعرفي تتطبخي كويس ولا لأ , وايه هيا
لا تمام بعرف أطبخ كذا حاجة الحمدلله

- حاجه بتحبي تاكليها بس مابتحبش تتطبيخها لأنها صعبه
لا اللي بحب اكلو لازم اعرف اطبخو

- حاجه بتحبي تاكليها وشاطره في عملها
المعكرونة باشاميل ماما علمتهالي فيوم امتحان العربي بتاع اخر السنة تخييل لذكرى البشعة دي اكيد هفتكرها وعمري منساها

- أيه هيا أكتر أكله بتتحرق منك أو تبوظ لما بتحاولي تتطبخيها
ام علي

- أكتر أكله محدش بيعرف يعمله ازيك
البسبوسة حتى ماما بتقوللي انتي اكتر وحدة بتعرفي تعمليها تحفة اكيد لا تعلى بتاعت ماما يعني بس حلوة
16-) أوصفيلنا نفسك (طباعك , أخلاقياتك ... أتكلمي عن نفسك من الأخر ) , فيما لا يقل عن سطرين ؟؟؟
اروجة دي باقل كلمة ترضيها مع انني مش بسرعة بزعل ولمما بتعصب مش بعرف انا بقول ايه فاهدوا عليها كدة وسيبوها خالص وهييا هتيجي تعتذر لوحدها
عنديه جدا ودماغها ناشفه بس لمما بيستخدمو معايا المسايسة بوافق
عماله اعك انا وما قولتش ولا صفه حلوه بس أنا بعز الضحك جدا وللاسف بتتخم فى الناس.
17) بتحفظي قرأن , ووصلتي لغاية فين في الحفظ , ومين من المشايخ بتحبي تسمعيله وليه ؟؟
مع المرسة اكتر حاجة ودلوقتي بحفظ سور متفرقة مش ماشية على نظام الاجزاء بحب أسمع للشيخ أحمد العجمي أكتر حاجة برتااح لصوتو اوي
18-لو قولتلك أنتى مدمنه .... يبقى أنت مدمنه إيييه؟؟؟
مدمنة نت
19-حد بتسمعى كلامه وتقوليله حاضر وأنتى ساكته؟؟؟وليه بتسمعى كلامه؟؟؟
انا عموما مش بسلم بسهولة بعمل الحاجة بس بعد مطههأ اللي قدامي شوية
20/بتعرفى تطنشى حد؟؟؟أو متعبرهوش مثلا؟؟؟
اه طبعا اكيييييد
21/إمتى بتشعرى بمشاعر الغيره؟؟؟وإمتى بتشعرى بمشاعر الإعجاب؟؟؟
الغيرة مش عارفة والله بالنسبة للاعجاب بتعجبني أوي الشخصية اللي عارفة ربنا وكمان الغامضة بتجذبني بطريقة مش طبيعية
22/كدبتى على مين وندمتى للكدبه دى؟؟؟وإمتى بتستعملي الكدب؟؟
كدبت على مين وندمت مش هقولك
بس ساعات الكدب بيبقى لازم لو هصلح بين طرفين وانا عادة مش بستخدم الكدب انا زي مقلت بستخدم اسلوب الترقيع اكتر

23/تقدرى تقولى الحق حتى ولو كان ثقيل أو على الملأ؟؟؟
اه طبعا لانى ببساطه مابخافش غير ماللى خالقنى

24/هيا الحياه حلوه؟؟وليه؟؟
هى حلوه للى عايز يعيشها وباصص قداموا
وسوده للى فى يوم هيبص وراه ويندم عاللى فاته

25/طفولتك..إتكلمى عنها شويتين تلاته وهل تحبى إنها ترجع وليه؟؟؟
طفولتى اسعد مراحل عمرى ببساطه كنت دلوعه البيت وخاصا انى اخر العنقود
وطبعا اتمنى ترجع تاني لانني كنت هخفف من الخناقات اللي بعملها مع كل العيال لانني والله دلوقتي عقلت شوية بس ففي لسة ناس واخدين عنني فكرة البنت الشقية الليشكل للبيع
26/هل تقدرى تاخدى قرار لوحدك أو عندك مقدره للحكم على أشياء أمامك؟؟
اه طبعا اقدر بس ده ما يمنعش انى بحب اسمع راى الللى حوليا وبعدين امشى اللى فى دماغى
27/حلم بيراودك دايما؟؟؟وكابوس بيراودك دايما؟؟؟
انا الاحلام بطير من دماغى اول ماصحى
بس مفيش حاجه بتتكرر كل يوم حلقه جديده
28/تحبى اللى يذكرلك محاسنك ولا اللى يذكرلك عيوبك؟؟
اللى يذكرلى عيوبى علشان اصلح منها
29/إيه الحاجه اللى بتبقى ملازماكى دايما فى شنطتك مثلا؟؟
اكيد موبايلي وبوككي
30/إيه هيا لزمتك فى الكلام واللى دايما بتكرريها؟؟؟
عادي يعني
31/إيه هيا نقطاط ضعفك ؟؟ وهل بتحاولى تعالجيها ولا لأ؟؟؟
مش هقدر اقولها عشان محدش يستغلها
32/إيه هيا بواطن قوتك؟؟؟ وهل بتحاولى تنميها ولا لأ؟؟؟
انني بعرف اتصرف في المواقف لمما بكون وحدي على ما أعتقد
33/دموعك ممكن تنزل إمتى؟؟وهل ممكن يشوفها حد؟؟
أنا دايما كنت مبحبش اعيط قدام حد
بس اخر سنة دي دمعتي بقيت قريبة وبتنزل على اقل سبب وغصبن عنني مش بقدر اخبيها فاللي حوالييا بيشوفوها
34/بتعملى إيه فى وقت فراغك؟؟؟
بقرأ وبقعد ارغي مع صحابي واكيد اختي الاء
35/امتى بتشعرى باليأس وتلعنى الظروف؟؟؟
بصراحه كتير بالذات فى الدراسه لما بحس انى ضايعه ومش فاهمه حاجه بس برجع استعيذ بالله واقول لايأس مع الحياة ولا حياة مع اليأس على رأي مصطفى كامل
36/لو إديتك تذكره طياره ممكن تروحى فين بيها؟؟وإيه وسيلة المواصلات اللى بتحبيها؟؟
فرنسا عايزة اروحها اوي ، بحب العربية
37/بتحبى ماما ولا بابا أكتر؟؟"واحد بس"
ماما اكتر

38/إيه الحاجه اللى عملتيها وبتفتخرى بيها؟؟؟
ما ينفعش اقولها لان ثوابها هيضيع

ربنا معاكى بقى وابقى اكمل بكره إن شاء الله

[/quote]